Qazaqstan Respýblıkasy Úkimetiniń qaýlysy №159 

2015 jylǵy 26 naýryz Astana Úkimet Úıi «Jekeshelendirýge jatpaıtyn, onyń ishinde onyń jabyq jáne oqshaýlanǵan áskerı qalashyqtarda, shekara zastavalary men komendatýralarda ornalasýy saldarynan qyzmettik turǵyn úıdi óteýsiz jekeshelendirý quqyǵyn óteý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 28 tamyzdaǵy № 1092 qaýlysyna ózgerister men tolyqtyrý engizý týraly Qazaqstan Respýblıkasynyń Úkimeti qaýly etedi: 1. «Jekeshelendirýge jatpaıtyn, onyń ishinde onyń jabyq jáne oqshaýlanǵan áskerı qalashyqtarda, shekara zastavalary men komendatýralarda ornalasýy saldarynan qyzmettik turǵyn úıdi óteýsiz jekeshelendirý quqyǵyn óteý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 28 tamyzdaǵy № 1092 qaýlysyna (Qazaqstan Respýblıkasynyń PÚAJ-y, 2012 j., № 67, 968-qujat) mynadaı ózgerister men tolyqtyrý engizilsin: kórsetilgen qaýlymen bekitilgen Jekeshelendirýge jatpaıtyn, onyń ishinde onyń jabyq jáne oqshaýlanǵan áskerı qalashyqtarda, shekara zastavalary men komendatýralarda ornalasýy saldarynan qyzmettik turǵyn úıdi óteýsiz jekeshelendirý quqyǵyn óteý qaǵıdalarynda: 5-tarmaq mynadaı redaksııada jazylsyn: «5. Aqshalaı ótemaqy tóleý balansynda alýshy turatyn qyzmettik turǵyn úı turǵan Qazaqstan Respýblıkasy Qarýly Kúshteriniń, basqa da áskerleri men áskerı quralymdarynyń respýblıkalyq memlekettik mekemesi (budan ári – memlekettik mekeme) basshysynyń buıryǵy negizinde júrgiziledi. Qazaqstan Respýblıkasy Ulttyq qaýipsizdik komıtetiniń alýshylaryna aqshalaı ótemaqy tóleý memlekettik organ basshysynyń nemese basshysy orynbasarlarynyń buıryǵy negizinde júrgiziledi.»; 6-tarmaqtyń 3) tarmaqshasy mynadaı redaksııada jazylsyn: «3) alýshyda jáne onymen birge turaqty turatyn otbasy músheleriniń menshik quqyǵynda Qazaqstan Respýblıkasynyń aýmaǵynda jáne turaqty paıdalaný quqyǵynda osy eldi mekende kommýnaldyq turǵyn úı qorynan berilgen turǵyn úıdiń bolmaýy.»; 7-tarmaq mynadaı redaksııada jazylsyn: «7. Aqshalaı ótemaqy mólsheri alýshynyń ózin qosa alǵanda, birge turaqty turatyn otbasy músheleriniń sanyn tıesili paıdaly aýdan normalaryna (18 sharshy metr) jáne statıstıkalyq jumystar josparyna sáıkes memlekettik statıstıka salasyndaǵy ýákiletti organnyń resmı saıtynda jarııalanatyn derekterine sáıkes orta eseppen alǵanda respýblıka boıynsha aǵymdaǵy jylǵy qańtardaǵy jańa turǵyn úıdi satýdyń bir sharshy metriniń baǵasyna kóbeıtý jolymen aıqyndalady.»; 8-tarmaqtyń ekinshi bóliginde: 5) tarmaqsha mynadaı redaksııada jazylsyn: «5) aýmaqtyq ádilet organynyń anyqtamasy (alýshyda jáne onymen birge turaqty turatyn otbasy músheleriniń Qazaqstan Respýblıkasynyń aýmaǵynda menshik quqyǵynda tıesili turǵyn úıiniń bar-joǵy týraly);»; mynadaı mazmundaǵy 5-1) tarmaqshamen tolyqtyrylsyn: «5-1) jergilikti atqarýshy organnyń anyqtamasy (alýshyda jáne onymen birge turaqty turatyn otbasy músheleriniń turaqty paıdalanýynda osy eldi mekende kommýnaldyq turǵyn úı qorynan berilgen turǵyn úıdiń bar-joǵy týraly);»; 9-tarmaq mynadaı redaksııada jazylsyn: «9. Osy Qaǵıdalardyń 8-tarmaǵynda kórsetilgen qujattardy alýshylar Qazaqstan Respýblıkasy Ulttyq qaýipsizdik komıtetiniń alýshylaryn qospaǵanda memlekettik mekemege usynady. Qazaqstan Respýblıkasy Ulttyq qaýipsizdik komıtetiniń alýshylary belgilengen tártippen osy Qaǵıdalardyń 8-tarmaǵynda kórsetilgen qujattardy alýshy qyzmet ótkeretin qyzmettik turǵyn úıdi esepke alý fýnksııasy júktelgen bólimshege (budan ári - bólimshe) usynady. Memlekettik mekeme ne bólimshe baıanat (ótinish) tirkelgen kúnnen bastap on bes jumys kúninen keshiktirmeı alýshy usynǵan qujattardy tekserýdi jáne onyń nátıjelerin alýshyǵa jetkizýdi júrgizedi. Usynylǵan qujattar sáıkes kelmegen jaǵdaıda, memlekettik mekeme ne bólimshe olardy alýshyǵa pysyqtaýǵa qaıtarady. Alýshy qaıtadan ótinish bildirgen kezde baıanat (ótinish) qaıtadan tirkelgen kúni berilgen dep esepteledi. Usynylǵan qujattardy tekserý nátıjeleri belgilengen tártippen memlekettik mekemeniń turǵyn úı komıssııasynyń qaraýyna shyǵarylady. Qazaqstan Respýblıkasy Ulttyq qaýipsizdik komıtetiniń alýshylary usynǵan qujattardy tekserý nátıjeleri belgilengen tártippen alýshy qyzmet ótkeretin memlekettik organnyń turǵyn úı komıssııasynyń qaraýyna shyǵarylady. Memlekettik mekemeniń nemese Qazaqstan Respýblıkasy Ulttyq qaýipsizdik komıtetiniń alýshysy qyzmet ótkeretin memlekettik organnyń turǵyn úı komıssııasy otyrysynyń hattamasy baıanat (ótinish) tirkelgen kúnnen bastap jıyrma jumys kúninen keshiktirilmeı bekitiledi. Memlekettik mekemeniń nemese Qazaqstan Respýblıkasy Ulttyq qaýipsizdik komıtetiniń alýshysy qyzmet ótkeretin memlekettik organnyń turǵyn úı komıssııasy otyrysynyń hattamasy bekitilgen kúnnen bastap on jumys kúninen keshiktirmeı Qazaqstan Respýblıkasy Qarýly Kúshteriniń, basqa da áskerleri men áskerı quralymdarynyń áskerı qyzmetshilerine aqshalaı ótemaqy tóleý týraly buıryqty memlekettik mekemeniń basshysy, al Qazaqstan Respýblıkasy Ulttyq qaýipsizdik komıtetiniń alýshylaryna aqshalaı ótemaqy tóleý týraly buıryqty alýshy qyzmet ótkeretin memlekettik organnyń basshysy nemese basshysynyń orynbasary shyǵarady.»; 11-tarmaq mynadaı redaksııada jazylsyn: «11. Aqshalaı ótemaqy tólengen alýshylar áskerı qyzmetten bosatylǵan kúnnen bastap bir aıdan keshiktirmeı belgilengen tártippen qyzmettik turǵyn úıdi tapsyrady.»; 13-tarmaq mynadaı redaksııada jazylsyn: «13. Kadr qyzmeti aqshalaı ótemaqy tóleý týraly buıryqtyń kóshirmesin alýshynyń jeke isine qosa tirkeıdi jáne tıisti jazýdy júrgizedi, ol qoıylǵan qolmen jáne memlekettik mekemeniń eltańbaly mastıkalyq mórimen rastalady.». 2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K. MÁSIMOV.